Халқымызда «Уықты басқұр ұстай¬ды, халықты дәстүр ұстайды» деген тамаша тәмсіл бар. Шындығында солай. Қай ұлттың да ерекшелігін, оның қарым-қабілетін, тегін салт-дәстүрінен білуге болады. Дәстүрге берік ел ешқашан азбайды да, тозбайды.
Міне, осы орайда Шалқар аудандық тарихи –өлкетану музейінің жұмыс жоспарына сәйкес «Ұлттық рухани жаңғыру» жобасы аясында №1 мектеп –гимназиясымен бірлесе ұйымдастыру барысында 3 сынып оқушыларының қатысуымен «Уықты басқұр ұстай¬ды, халықты дәстүр ұстайды» тақырыбында мәдени шара өткізілді. Шара барысында қазақ халқының сүйінші сұрау, бесікке салу, арқан тартыс және ұлттық ойындарынан көріністер көрсетіліп, ән мен күй, билер орындалды