«Ауғанстан —  біздің есімізде»  тақырыбындағы облыстық семинар №6 жалпы  орта білім беретін мектебінде жалғасын тапты.Шалқар аудандық тарихи-өлкетану музейінің басшысы Н.Тлембаеваның  ұйымдастыруымен  өткізілген «Ауғанстан —  біздің есімізде»  тақырыбындағы облыстық семинар қонақтары  Ауған соғысының ардагері, интерноционалист жауынгер Тұрғанбаев Имамадиннің ескерткіш тақтасына тағзым етіп гүл шоқтарын қойды.

Семинардың жоспарланған келесі бөлімінде қонақтар  қаламыздағы №6 жалпы  орта білім беретін мектепте «Жеңіс» аллеясына гүл шоқтарын қойып,  аулаға  салтанатты түрде естелік ретінде  қарағай отырғызу  рәсімін жасады. .

Ақтөбе облысы Ауған соғысы ардагерлерінің  ассоциясы  қоғамдық  бірлестігінің төрағасы Марат Қойлыбаев пен  Шалқар ауданының әкімінің орынбасары Қ.Ақшолақов №6 жалпы  орта білім беретін мектепте  инклюзивті оқыту  кабинетін салтанатты түрде ашты.

«Патриотизм-ұлы қасиет» тақырыбында Ақтөбе облысы Ауған соғысы ардагерлерінің  ассоциясы  қоғамдық  бірлестігінің төрағасы Марат Қойлыбаев кездесу кеші  өтті.