Қазанғаптың Ақбауырдағы бейіті

Қазанғап Тілепбергенұлы (1854 – 1921) – қазақтың әйгілі күйші -композиторы. Шежіре дерегі бойынша, Ұлы жүз Ақарыстан тараған ұрпақтың бірі — Кейкі би, одан Төбей туған. Төбейден Майқы, Қоғам, Мекіре, Құйылдар деген төрт ұл туады. Осылардың Қоғамынан Қаңлы мен Шанышқылы туған.Шанышқылыдан Қорбақа, Дарқан, Қырықсадақ, Бектау деген төрт ұл туады. Осылардың ішіндегі Қырықсадақтан Қазанғаптың аталары өрбіген. Табиғатқа тіл бітірген құдіретті күйші 1921 жылы Қосқақ ауылының іргесіндегі Ақбауыр деген жерде жерленген.