Батырлар — бөлімінде қазақ елінің астанасы болған қасиетті де, киелі Түркістанды жаудан қорғаймын деп Сайрам соғысында опат болған, елдің бірлігін ту етіп ұстаған Тілеу Айтұлы, алдағы мың жылдығын болжап өткен Мөңке Тілеуұлы, Мырзағұл Шыманұлы, Достан би, «Біздің ел отырады Қобда жайлап, Қоңынан жарылады бота-тайлақ, Әлімнің найза ұстаған батырлары, жауына аттанады «Бақтыбайлап» деп, аты ұранға шыққан Бақтыбай Төлесұлы, шекті руынан шыққан белгілі тарихи тұлға ,ұлы жазушы Мұхтар Әуезовтың «Айман-Шолпан» драмасындағы басты кейіпкер Көтібар Бәсенұлы, ержүрек батырлар Есет-Дәрібай, Қарағұл, Әзберген, Қайдауыл, Арыстан, Жарас мерген туралы тарихи деректер сыр шертеді.